Varësi nga alkooli dhe seksi. Pas Ben Afleck, një tjetër yll i “showbiz”-it në rënie të lirë. Edhe Mel B, 43 vjeçe, do të shtrohet së shpejti në një klinike rehabilituese për t’u kuruar nga pasojat e PTSD, ose më saktë, shqetësim nga stresi, post-traumatik.

Trauma në fjalë për ish-“Spice Girl” dhe anëtaren e jurisë së “America’s Got Talent”, quhet Stephen Belafonte dhe është ish-bashkëshorti i saj, i akuzuar nga këngëtarja për dhunë në familje, por i liruar për mungesë të provave konkrete.

Mel B do të hyjë në rehabilitim muajin e ardhshëm dhe “The Sun” zbulon betejën e saj të muajve të fundit dhe pasojat relative mbi shëndetin publik. Divorci nga Belafonte është finalizuar në gjykatë pak javë më parë dhe jo sigurisht në favor të ish-“Spice”-it, e cila duhet t’i paguajë 5 mijë dollarë në muaj ish-bashkëshortit për kujdestarinë e vajzës që kanë bashkë Madison (e lindur në vitin 2011) dhe 15 mijë dollarë në muaj për ushqime.

Për të mos folur për shpenzimet ligjore dhe disa taksa jo të paguara në vitin 2016. Një falimentim i vërtetë financiar për anëtaren e jurisë së “America’s Got Talent”, e cila pas muajsh beteje ligjore, është detyruar t’i nënshtrohet një kujdesi mjekësor. “E bëj për fëmijët e mi, më shumë se për vete”, – ka deklaruar.

Burime pranë këngëtares, kanë thënë për “The Sun”, se Mel B pi prej muajsh pa kontroll, vodka dhe tekila dhe se si ka “shpërthyer” në dhomën e gjumit, duke bërë seks shpesh me tre burra në të njëjtën ditë.

Belafonte, i akuzuar nga 43-vjeçarja për sjellje të dhunshme, si fizike, ashtu edhe psikologjike, i ka “luajtur” në favor të tij këto dobësi të ish-gruas, duke deklaruar varësinë e saj nga kokaina dhe alkooli.

Mel B nuk mohon: “Jam shumë e ndershme, pi për të kaluar dhimbjen time, por kjo është vetëm një mënyrë ku shumë persona maskohen para asaj që po ndodh…”. Pikërisht për këtë ka vendosur t’i nënshtrohet një rehabilitimi: “Ndonjëherë është shumë e vështirë të durohen të gjitha emocionet që provoj, por problemi nuk ka qenë asnjëherë seksi dhe alkooli, problemi është i gjithi poshtë kësaj…”./gsh/